ದೇಶದ ಹೆದ್ದಾರಿಗಳಲ್ಲಿ ಸಂಚರಿಸುತ್ತಿರುವ ಅಸುರಕ್ಷಿತ ಸ್ಲೀಪರ್ ಕೋಚ್ ಬಸ್‌ಗಳ ವಿರುದ್ಧ ಕಠಿಣ ಕ್ರಮ ಕೈಗೊಳ್ಳುವಂತೆ ರಾಷ್ಟ್ರೀಯ ಮಾನವ ಹಕ್ಕು ಆಯೋಗ (NHRC) ಎಲ್ಲಾ ರಾಜ್ಯಗಳಿಗೆ ನಿರ್ದೇಶನ ನೀಡಿದೆ. ಇತ್ತೀಚೆಗೆ ಜೈಸಲ್ಮೇರ್–ಜೋಧಪುರ ಮಾರ್ಗದಲ್ಲಿ ಸಂಭವಿಸಿದ ಭೀಕರ ಅಗ್ನಿ ಅವಘಡದಲ್ಲಿ 20 ಮಂದಿ ಸಾವನ್ನಪ್ಪಿದ ನಂತರ ಈ ಪ್ರಕರಣ ರಾಷ್ಟ್ರಮಟ್ಟದಲ್ಲಿ ಗಮನ ಸೆಳೆದಿತ್ತು.
ಆಯೋಗದ ಸದಸ್ಯ ಪ್ರಿಯಾಂಕ ಕನೂಂಗೋ ಅವರ ಅಧ್ಯಕ್ಷತೆಯಲ್ಲಿ ನಡೆದ ದೂರು ವಿಚಾರಣೆಯಲ್ಲಿ, ದೂರುದಾರರು ಅನೇಕ ಸ್ಲೀಪರ್ ಬಸ್‌ಗಳು ಮೂಲಭೂತ ಸುರಕ್ಷತಾ ಮಾನದಂಡಗಳನ್ನು ಪಾಲಿಸದೆ ಸಂಚರಿಸುತ್ತಿವೆ ಎಂದು ಹೇಳಿದ್ದಾರೆ. ಚಾಲಕರ ಕೇಬಿನ್ ಹಾಗೂ ಪ್ರಯಾಣಿಕರ ಭಾಗವನ್ನು ಸಂಪೂರ್ಣವಾಗಿ ವಿಭಾಗಿಸಿರುವ ನಿರ್ಮಾಣ ಮಾದರಿ ಅಗ್ನಿ ಅವಘಡಗಳಲ್ಲಿ ಮುಖ್ಯ ಕಾರಣವಾಗುತ್ತದೆ ಎಂದು ಪರಿಶೀಲನೆ ತೋರಿಸಿದೆ. ಇಂತಹ ಹಲವಾರು ಕಾರಣದಿಂದಾಗಿ ಸ್ಲೀಪರ್ ಬಸ್ ಗಳು ಅಸುರಕ್ಷಿತವಾಗಿದ್ದು ಮಾನದಂಡಗಳನ್ನು ಪಾಲಿಸದ ಎಲ್ಲಾ ಸ್ಲೀಪರ್ ಬಸ್ ಗಳನ್ನು ನಿಲ್ಲಿಸಬೇಕು ಎಂದು ಸೂಚನೆ ನೀಡಿದೆ.
CIRT ವರದಿ ಬಹಿರಂಗಪಡಿಸಿದ ಗಂಭೀರ ಉಲ್ಲಂಘನೆಗಳು:
NHRC ಈ ಕ್ರಮಗಳನ್ನು “ಅಪರಾಧ ಮಟ್ಟದ ನಿರ್ಲಕ್ಷ್ಯ” ಎಂದು ಕರೆದಿದೆ ಮತ್ತು ರಸ್ತೆಗಳಲ್ಲಿ ಇಂತಹ ವಾಹನಗಳಿಗೆ ಅನುಮತಿ ನೀಡುವುದು ಭಾರತದ ಸಂವಿಧಾನದ ಕಲಂ 21 ಅಡಿಯಲ್ಲಿ ನಾಗರಿಕರ ಜೀವದ ಹಕ್ಕಿಗೆ ಧಕ್ಕೆ ಎಂದು ಹೇಳಿದೆ.
NHRC ಎಲ್ಲಾ ರಾಜ್ಯಗಳಿಗೆ ಕೆಳಗಿನಂತೆ ಕಠಿಣ ಸೂಚನೆಗಳನ್ನು ನೀಡಿದೆ:
ಪ್ರಯಾಣಿಕರಿಗೆ ಇದರಿಂದ ಏನು ಬದಲಾಗುತ್ತದೆ?
ಕಾಲಾಂತರದಲ್ಲಿ ಕೆಲವು ಸ್ಲೀಪರ್ ಬಸ್‌ಗಳು ಸೇವೆಯಿಂದ ಹೊರಗುಳಿಯುವ ಸಾಧ್ಯತೆ ಇದ್ದರೂ, NHRC ಕ್ರಮದಿಂದ ಭವಿಷ್ಯದಲ್ಲಿ ಸುರಕ್ಷಿತ ಪ್ರಯಾಣ ಸಾಧ್ಯವಾಗಲಿದೆ. ಅಗ್ನಿ ಅವಘಡಗಳು, ತುರ್ತು ಪರಿಸ್ಥಿತಿಗಳಲ್ಲಿ ಕಾಣ ಸಿಗುವ ಸಮಸ್ಯೆಗಳು ಮತ್ತು ವಿನ್ಯಾಸದ ದೋಷಗಳು ಕಡಿಮೆಯಾಗಲಿವೆ.
ಸುರಕ್ಷಿತ, ಮಾನದಂಡ ಪಾಲಿಸುವ ಬಸ್‌ಗಳ ಬಳಕೆ ಕಡ್ಡಾಯವಾಗುವುದರಿಂದ ಸಾರ್ವಜನಿಕ ಸುರಕ್ಷತೆ ಹೆಚ್ಚಾಗಲಿದೆ ಎಂದು ಪರಿಣಿತರು ಅಭಿಪ್ರಾಯಿಸಿದ್ದಾರೆ
Share on WhatsApp 
